ოფისის იჯარის თავისებურებები

ოფისი დაქირავება ნებისმიერი ბიზნესმენისთვის მნიშვნელოვანი ნაბიჯია. სავსებით გასაგებია, როცა საქმოსანი ცდილობს, იაფად გამოვიდეს, მაგარამ მეტისმეტმა მომჭირნეობამ შეიძლება გაუთვალისწინებელი შედეგი გამოიღოს - დამატებითი სახსრები და დრო მოითხოვს, ამიტომ, გთავაზობთ რამდენიმე რჩევას, რათა, თავიდან აიცილოთ ის უსიამოვნებები, რაშიც თქვენამდე სხვები გაებნენ.

ნაკლებად ენდეთ ინფორმატორებს

დღეს, საინფორმაციო სააგენტოები თაღლითობის ერთ-ერთ ყველაზე გავრცელებულ ფორმად იქცა. მაგალითად, გაზეთში პოულობთ არარეალურად ხელსაყრელ წინადადებას, მითითებულ ტელეფონზე რეკავთ, იქ კი გეუბნებიან - სამწუხაროდ, დაგაგვიანდათ, მაგრამ ჩვენ სხვა შემოთავაზებებიც გვაქვსო. Aმის შემდეგ გთავაზობენ ინფორმაციას მონაცემტა ბაზიდან, რაშიც სააგენტო ,,მცირე" გასამრჯელოს ითხოვს. Gულუბრყვილო კლიენტი იხდის თანხას, მაგრამ მონაცემების ბაზაში საინტერსოს ვერაფერს პოულობს - უკვე ყველაფერი გაქირავებულია, ან საერთოდ, სხვა პირობებით მოპოვებულ ტელეფონის ნომერზე ვიღაც გპასუხობთ - ბიზნეს -ცენტრი კი არა, - აბანოაო და ა.შ.
თაღლითობის სხვა ფორმაც არსებობს - სააგენტო მცირე გასამრჯელოს ფასად მსურველს ჰპირდება უშუალოდ ფართის პატრონტან დაკავშირებას. კლიენტი ფულს იხდის, ფართის პატრონი" კი შეხვედრს დროს, ,,საპატიო მიზეზით" გადავადებას: ერთხელ, ორჯერ, სამჯერ, მერე კი აცხადებს - ფართი გაქირავდაო.

დაზარალებულებისთვის ყველაზე საწყენი ის არის, რომ საინფორმაციო სააგენტოები სრულიად კანონიერად მოქმედებენ. ყოველ შემთხვევაში, კლიენტისთვის შეთავზებულ ხელშეკრულებაში მხოლოდ საინფორმაციო მომსახურებაზეა ლაპარაკი, ამიტომაც, ჩივილს აზრი არა აქვს. მომსახურებაში იმდენად უმნიშვნელო თანხას თხოულობენ (მაგ: 5-10 ლარს), რომ მოტყუებული კლიენტი ფიქრობს - ჯანდაბას მაგათი თავი, ამისათვის ნერვების აშლა არც ღირსო. მართალი, ზოგჯერ ასეთ ინფორმატორებს ფიზიკურად უსწორდებიან ხოლმე, მაგრამ ამას დადებითი შედეგი არ მოყვება, პირიქით, ასე შეიძლება ბევრად უფრო დიდ შარში გახვევა. Gულუბრყვილოებს კი, გვინდა შევახსენოთ, რომ მუქთად არავინ არაფერს მოგცემთ. თუ რეკლამაში საბაზრო ფასზე ბევრად ნაკლები ფასია მითითებული, ან როცა წინასწარ თუნდაც მცირე თანხის გადახდას ითხოვენ, ე.ი ყალთაბანდებთან გაქვთ საქმე. იცოდეთ, წესიერი შუაკაცი საკომისიო თანხას მხოლოდ სამსახურის გაწევის შემდეგ იღებს.
დამწყები მეწარმეები, როგორც წესი, ნაკლებ ყურადღებას აქცევენ იურიდიულ ასპექტებს. მათ, უპირველეს ყოვლისა, აინტერსებთ სად არის ფართი და რა ჯდება მისი დაქირავება; ხოლო, რის საფუძველზე ქირაობს ფირმა ოფისს - ანუ, ლაპარაკია იჯარაზე, სუბიჯარაზე თუ ერთობლივი საქმიანობის ხელშეკრულებაზე, მათთვის ნაკლებად მოეხსნება, რომ ხშირად, დოკუმენტში მითითებული და რელური ფასი ერთმანეთისგან განსხვავდება. ჟერ კიდევ გავრცელებულია ნაწილობრივი გადახდა - ე.წ ,,თეთრი", რომელსაც დოკუმენტის თანახმად იხდიან და - ,,შავი", კულისებმიღმა. გასათვალისწინებელია, რომ ხსენებულ ,,შავ" თანხას, დამქირავებელი ორგანიზაცია ხარჯებში ვერ გაატარებს, ამით კი, მისი ინტერესები იბღალება. მართალია,ბაზრის ეს სეგმენტი თანდატნობით ,,თეთრდება", თუმცა, იმის თქმა, რომ ეს საყოველთაო პრაქტიკად იქცა, შეუძლებელია.

რა არის სუბიჯარა?

ღოდესაც ფართს უშუალოდ მისი მეპატრონისგან ქირაობ - ამას იჯარა ჰქვია, ხოლო, თუ ფართს ქირაობთ ორგანიზაციისგან, რომელსაც ეს ფართი თავად აქვს დაქირავებული, - ამას სუბიჯარა ჰქვია. ბევრი ფიქრობს, რომ სუბიჯარა საჭვო საქმეა და ურჩევნია პირდაპირ მეპატრონესთან იქონიოს საქმე. სინამდვილეში, თუ სუბიჯარა სწორად არის გაფორმებული, არაფრით ჩამოუვარდება ჩვეულებრივ იჯარას. ზოგჯერ, სუბიჯარა შესაძლოა გაცილებით ხელსაყრელიც კი იყოს, მაგალითად: გრძელვადიანი იჯარის შემთხვევაში, როცა შუამავალს გაუქირავებელი რჩება რაიმე ფართი, მის ინტერესებში არ შედის მისი მოცდენა და ხშირად საბაზრო ფასზე ნაკლებად აქირავებს.

დიდი ხნით ქირაობ?

ყველაზე გავრცელებულია 3-5 წლიანი იჯარა. Xდება ისეც, რომ 10-15 წლიან კონტრაქტებს აფორმებენ. ეს ძალიან დიდი დროა, ამ ხნის განმავლობაში შეიძლება ბევრი რამ შეიცვალოს - დასჭირდება კი მოიჯარებს კონკრეტული ფართი ამდენი ხნის მანძილზე?

გასათვალისწინებელი რისკი

შეიძლება იჯარა რეგისტრირებული იყოს, მაგრამ პატრონს გეგმები შეიცვალოს და მოიჯარეს მოსთხოვოს ფართის ვადაზე ადრე დაცალა. ასეთ შემთხვევაში, კანონი მესაკუთრის მხარეზეა, ამიტომაც, ოფისის ქირაობისას დიდი მნიშვნელობა აქვს, რამდენად ენდობიან ერთმანეთს მხარეები. თუ ერთმანეთი თავიდანვე არ მოეწონათ, არ ღირს გარიგება.
საიჯარო ხელშეკრულებაში აუცილებლად უნდა იყოს ნახსენები პუნქტი, სადაც მითითებული იქნება, რომ თუკი, ფართის მეპატრონე შეიცვლება, იგი ვალდებული იქნება მოიჯარეს იგივე პირობით მიაქირაოს ფართი ძველი ხელშეკრულების ვადის გასვლამდე.
საოფისე უძრავ ქონებაზე უკანასკნელ თვეებში ფასები სერიოზულად გაიზარდა. Aმან,, თავის მხრივ, იჯარის ფასების ზრდა განაპირობა. შაფიქრებელია, რომ ეს ტენდენცია კვლავ გაგრძელდება. Aმიტომ, მეტ-ნაკლებად ხანგრძლივი ხელშეკრულების დადებისას, აუცილებლად მოითხოვეთ, რომ ფასი რაც შეიძლება იშვიათად იცვლებოდეს, თუნდაც: წელიწადში ერთხელ და არა უმეტეს 10%-ისა...