სტატისტიკური და ანალიტიკური რელიზი

2011 წლის აგვისტოს თვეში უძრავი ქონების ბაზარზე სარეგისტრაციო ტრანზაქციათა რაოდენობა წინა წლის იმავე თვესთან შედარებით 34.1%-ით გაიზარდა და ქვეყნის მასშტაბით 43 715 ერთეული შეადგინა.

ა.წ. აგვისტო 2007-2009 წლების იმავე თვესთან შედარებით უპირატესად ზრდით გამოირჩევა: 2007 წლის აგვისტოსთან (46 039 ერთეული სარეგისტრაციო ტრანზაქცია) შედარებით - კლება 5.0%-ით, 2008 წლის აგვისტოსთან (19 495 ერთეული სარეგისტრაციო ტრანზაქცია) შედარებით - ზრდა 2.2-ჯერ და 2009 წლის აგვისტოსთან (28 761 ერთეული სარეგისტრაციო ტრანზაქცია) შედარებით - ზრდა 52.0%-ით.

უძრავი ქონების ბაზრის თვის სტატისტიკა, 2010-2011
[ერთეული]

2011 წლის აგვისტოს თვეში სარეგისტრაციო ტრანზაქციების თვის ინდექსიც (დეკემბერი 2007=100) გაიზარდა და დაფიქსირდა 1.409 დონეზე, რაც წინა წლის იმავე თვის ინდექსს (1.051) მნიშვნელოვნად აღემატება. აშკარაა, რომ უძრავი ქონების პირველადი და მეორადი ბაზრები გაიზარდა როგორც წინა წლის იმავე თვესთან (შესაბამისად 21.4%-ით და 37.0%-ით), ისე წინა თვესთან (შესაბამისად 7.7%-ით და 0.7%-ით) შედარებით. 2011 წლის აგვისტოს თვეში პირველადი სარეგისტრაციო ტრანზაქციების რაოდენობამ - 7 364, ხოლო მეორადი სარეგისტრაციო ტრანზაქციების რაოდენობამ - 36 351 ერთეული შეადგინა; სარეგისტრაციო ტრანზაქციების თვის ინდექსი (დეკემბერი 2007=100) კი პირველადი და მეორადი სარეგისტრაციო ტრანზაქციების მიხედვით შესაბამისად 0.792 და 1.674 დონეებზე დაფიქსირდა. რაც შეეხება პირველად და მეორად სარეგისტრაციო ტრანზაქციებს შორის თანაფარდობას, უმნიშვნე-ლოდ გაიზარდა მეორადი სარეგისტრაციო ტრანზაქციების წილი: ა.წ. აგვისტოს თვეში განხორციელებული სარეგისტრაციო ტრანზაქციების 83.2%-ს მეორადი, ხოლო 16.8%-ს - პირველადი სარეგისტრაციო ტრანზაქციები შეადგენდნენ (2010 წლის აგვისტოს თვეში კი - შესაბამისად 80.9% და 19.1%).

უძრავი ქონების პირველადი და მეორადი ბაზრების თვის სტატისტიკა აგვისტო, 2010-2011

 წყარო: საჯარო რეესტრის ეროვნული სააგენტო, 2011