ე სარეგისტრაციო ტრანზაქციათა რაოდენობა წინა წლის იმავე თვესთან შედარებით 34.0%-ით გაიზარდა და ქვეყნის მასშტაბით 46 854 ერთეული შეადგინა.

ა.წ. სექტემბერი 2007-2009 წლების იმავე თვესთან შედარებით ცალსახად ზრდით გამოირჩევა: 2007 წლის სექტემბერთან (43 917 ერთეული სარეგისტრაციო ტრანზაქცია) შედარებით - ზრდა 6.7%-ით, 2008 წლის სექტემბერთან (24 338 ერთეული სარეგისტრაციო ტრანზაქცია) შედარებით - ზრდა 92.5%-ით და 2009 წლის სექტემბერთან (33 118 ერთეული სარეგისტრაციო ტრანზაქცია) შედარებით - ზრდა 41.5%-ით.

უძრავი ქონების ბაზრის თვის სტატისტიკა, 2010-2011
[ერთეული]

2011 წლის სექტემბრის თვეში სარეგისტრაციო ტრანზაქციების თვის ინდექსიც (დეკემბერი 2007=100) გაიზარდა და დაფიქსირდა 1.511 დონეზე, რაც წინა წლის იმავე თვის ინდექსს (1.128) მნიშვნელოვნად აღემატება. აშკარაა, რომ უძრავი ქონების პირველადი და მეორადი ბაზრები გაიზარდა როგორც წინა წლის იმავე თვესთან (შესაბამისად 47.2%-ით და 31.0%-ით), ისე წინა თვესთან (შესაბამისად 29.2%-ით და 2.7%-ით) შედარებით. 2011 წლის სექტემბრის თვეში პირველადი სარეგისტრაციო ტრანზაქციების რაოდენობამ - 9 516, ხოლო მეორადი სარეგისტრაციო ტრანზაქციების რაოდენობამ - 37 338 ერთეული შეადგინა; სარეგისტრაციო ტრანზაქციების თვის ინდექსი (დეკემბერი 2007=100) კი პირველადი და მეორადი სარეგისტრაციო ტრანზაქციების მიხედვით შესაბამისად 1.023 და 1.720 დონეებზე დაფიქსირდა. რაც შეეხება პირველად და მეორად სარეგისტრაციო ტრანზაქციებს შორის თანაფარდობას, უმნიშვნელოდ გაიზარდა პირველადი სარეგისტრაციო ტრანზაქციების წილი: ა.წ. სექტემბრის თვეში განხორციელებული სარეგისტრაციო ტრანზაქციების 79.7%-ს მეორადი, ხოლო 20.3%-ს - პირველადი სარეგისტრაციო ტრანზაქციები შეადგენდნენ (2010 წლის სექტემბრის თვეში კი - შესაბამისად 81.5% და 18.5%).

უძრავი ქონების პირველადი და მეორადი ბაზრების თვის სტატისტიკა სექტემბერი, 2010-2011

წყარო: საჯარო რეესტრის ეროვნული სააგენტო, 2011